Raptoŭnaja pavodka ŭ Hrecyi zabiła ŭžo 14 čałaviek
Łakalnyja padtapleńni paśla mocnych načnych daždžoŭ pryviali da śmierci jak minimum 14 čałaviek i vyklikali razbureńni ŭ centralnaj častcy Hrecyi, paviedamlaje BBC.
Fota — Reuters
Pramysłovyja harady Mandru, Nea-Pieramos i Miehara, na zachad ad Afin, byli najbolš zakranutyja stychijaj.
Pavodle paviedamleńniaŭ, mnohija z zahinułych — pažyłyja ludzi, čyje cieły byli vyjaŭlenyja ratavalnikami ŭ damach. Chutkapłynnyja patoki čyrvonaha brudu zataplali darohi i damy amal imhnienna.
«My ŭsio stracili, biedstva biblejskaha maštabu», — skazaŭ mer horada Mandru Jana Krykuki hreckamu dziaržaŭnamu telekanału ERT.
Jak minimum 13 čałaviek byli dastaŭlenyja ŭ balnicy, a niekatoryja pa-raniejšamu ličacca zahinułymi bieź viestak.
Premjer-ministr Hrecyi Aleksis Cypras vykazaŭ spačuvańni svajakam achviaraŭ.
Fota — Reuters
Mocnyja daždžy nie skančajucca ŭ centralnaj častcy Hrecyi ŭžo prykładna tydzień.