Tesla vypuściła partatyŭnyja akumulatary dla mabilnych pryładaŭ z dyzajnam aŭtazaradnych stancyj
Prezientacyjaj elektryčnaha hruzavika Tesla Semi i abnoŭlenaha sportkara Roadster navinki kampanii Tesla nie skončylisia. U prodažy źjavilisia adrazu dva niezvyčajnyja partatyŭnyja akumulatary dla mabilnych pryładaŭ.
Ich niezvyčajnaść u tym, što jany nahadvajuć minijaciurnyja zaradnyja stancyi dla elektramabilaŭ, jakija Tesla ŭstaloŭvaje pa ŭsioj Amierycy.
Unutry Tesla Powerbank ustalavany adzin lityj-ijonny akumulatar typu 18650 — taki ž samy, jak i ŭ elektrakarach Tesla, dzie kolkaść hetych akumulataraŭ dasiahaje 7000 štuk.
Tesla Powerbank pamieram 108x30.5x23.3 mm maje kabiel Lightning dla zaradki iPhone i iPad, a taksama zdymny kabiel Micro USB dla inšych pryładaŭ. Košt składaje $45, što ŭdvaja daražej za samy jomisty akumulatar lidaru rynku — Xiaomi.
Jašče adzin partatyŭny akumulatar — Desktop Supercharger za tyja ž $45 — taksama dakładnaja kopija zaradnaj stancyi Tesla.