Brendy Disney i Marvel buduć vyrablać svaje cacki ŭ Kobrynie
Cacka vyrabu kobrynskaha «Paleśsia».
Kobrynskaja fabryka cacak «Paleśsie» ŭ 2018 hodzie pačnie vyrablać šyrokuju liniejku pradukcyi ŭ roznych hrupach cacak brendaŭ Disney i Marvel, paviedamiŭ partału KobrinCity načalnik adździełu markietynhu fabryki Andrej Marčuk. Bolš detalaŭ jon nie raskryŭ, kab zachavać intryhu.
Fabryka vyrablaje kanstruktary i nabory dla piasočnic pad rasiejskim brendam «Śmiašaryki». U Kobrynie vypuskajuć taksama cacki amierykanskaha brenda Smurfs i niderłandskaha Miffi, mašynki šviedskich Volvo i Mammoet.
Fabryka «Paleśsie» była stvoranaja ŭ 1998 hodzie. Ciapier na joj pracuje kala 3000 čałaviek, heta najbolšaja vytvorčaść u Kobrynie.