U straŭniku pamierłaha kita znajšli 29 kiłahramaŭ śmiećcia
Na poŭdni Ispanii byŭ znojdzieny kit, jaki pamior ad zapalenčych pracesaŭ, što pačali adbyvacca ŭ jahonym straŭniku praź nievierahodnuju kolkaść śmiećcia, jakuju niebaraka zdoleŭ prahłynuć, paviedamlaje vydańnie The Telegraph.
Fota: telegraph.co.uk
Heta byŭ małady samiec daŭžynioj 10 mietraŭ i vahoj bolej za 6 ton. U jahonym straŭniku i kišačniku vyjaviłasia amal 29 kiłahramaŭ adchodaŭ, siarod jakich byli miaški dla śmiećcia, abryŭki sietak, viaroŭki i navat płastykavaja kanistra. Ekśpierty pryjšli da vysnovy, što kit nie zmoh ani pieravaryć płastyk, ani vyvieści jaho sa svajho cieła, u vyniku čaho zdaryŭsia ciažki pierytanit, i marski vołat zahinuŭ.
Fota: telegraph.co.uk
Miascovyja ŭłady pačali kampaniju, nakiravanuju na źnižeńnie kolkaści płastyku ŭ vadzie: jany płanujuć bolš staranna čyścić plažy, a taksama pavyšać daśviedčanaść ludziej ab prablemie.