Płošča kučy śmiećcia ŭ Cichim akijanie ŭžo ŭ 8 razoŭ pieravysiła płošču Biełarusi
«Śmiećcievy vostraŭ», što ŭtvaryŭsia ŭ Cichim akijanie, akazaŭsia našmat bolšym, čym navukoŭcy ličyli raniej. Vyniki daśledavańnia pryvodziacca ŭ časopisie Scientific Report.
Śmiećcievaja plama z płastyka i inšych adchodaŭ, vykinutych ludźmi, znachodzicca ŭ paŭnočnaj častcy Cichaha akijana. Jaje farmirujuć akijaničnyja płyni, jakija źbirajuć usio suśvietnaje śmiećcie ŭ adno miesca, dzie jahonaja kancentracyja davoli vysokaja.
Raniej pamiery plamy atrymlivałasia acanić tolki pryblizna. U novym daśledavańni z vykarystańniem dvuch samalotaŭ i 18 łodak navukoŭcy skłali dakładnuju kartu śmiećcievaha ŭtvareńnia.
Vyśvietliłasia, što jahonaja płošča našmat bolšaja, čym ličyłasia raniej. Jana składaje 1,6 miljona kvadratnych kiłamietraŭ, što amal u vosiem razoŭ pieravyšaje płošču našaj krainy (207 tysiač kvadratnych kiłamietraŭ). Ahulnaja masa ŭsiaho śmiećcia — 79 tysiač ton. Pa dadzienych daśledčykaŭ, plama praciahvaje «raści ekspanientna».
«Vyniki tryvožnyja, jany sapraŭdy śviedčać ab ekstranaści hetaj situacyi», — kaža adzin z daśledčykaŭ.
-
Novaja tkanina moža sama nahravacca bolš čym na 30 hradusaŭ, kab ratavać u ekstremalna chałodnaje nadvorje
-
ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža
-
Stvaryć ułasny sajt dla biznesu abo błohu našmat praściej i tańniej, čym vy dumajecie
Kamientary