ZŠA nazvali ŭmovu novaha ŭdaru pa Siryi
AP
Novy ŭdar pa Siryi moža być naniesieny Złučanymi Štatami ŭ tym vypadku, kali Damask znoŭ rašycca na ŭžyvańnie chimičnaj zbroi. Pra heta zajaviła pastajanny pradstaŭnik ZŠA ŭ AAN Niki Chejli padčas pasiadžeńnia Rady biaśpieki, pieradaje Reuters.
«My ŭpeŭnienyja, što nam udałosia surjozna parušyć siryjskuju prahramu pa stvareńni i vykarystańni chimičnaj zbroi. My hatovyja znoŭ užyć miery strymlivańnia, kali siryjski režym budzie nastolki durny, kab znoŭ vypraboŭvać našu volu», - zajaviła dypłamat.
Chejli padkreśliła, što stratehija ZŠA ŭ dačynieńni da Siryi zastaniecca niaźmiennaj. «Kali Damask iznoŭ prymienić atrutny haz, Złučanyja Štaty buduć u poŭnym uzbrajeńni», — dadała jana.
Pastajanny pradstaŭnik ZŠA ŭ AAN asabliva adznačyła, što Vašynhton ličyć lehitymnymi ŭdary, naniesienyja ŭ noč na 14 krasavika. Usie celi byli vybranyja takim čynam, kab minimizavać škodu dla mirnaha nasielnictva i adnačasova maksimalna naškodzić siryjskaj chimičnaj prahramie.
«Naš adkaz byŭ uzvažanym, lehitymnym i praparcyjnym», — padkreśliła Chejli.