Minski haradski sud pakinuŭ bieź źmienaŭ prysud Śviatasłaŭ Baranoviču
Fota Ułada Šviadoviča
4 maja ŭ Minskim haradskim sudzie kalehija razhledzieła kasacyjnuju skarhu na vyrak Śviatasłavu Baranoviču, asudžanamu na 3 hady za napad na milicyjanta. Baranoviča ŭ sud nie pryvieźli, chadajnictva advakatki nakont hetaha adchilili, piša Radyjo Svaboda.
Ludzi ŭ zale sustreli pastanovu słovami «Hańba!» i «Fašysty».
Incydent adbyŭsia ŭ sakaviku 2017 hoda paśla «Marša niedarmajedaŭ» kala płoščy Banhałor. Śviatasłaŭ Baranovič, były palitviazień, jakomu ŭ 2011 hodzie prysudzili ŭmoŭnaje pakarańnie za Płošču-2010, zastupiŭsia za aktyvistaŭ anarchisckaha ruchu, jakich sprabavali zatrymać «ludzi ŭ cyvilnym» — milicyjanty biaz formiennaj vopratki.