Śviatasłavu Baranoviču, jaki adbivaŭ demanstrantaŭ u ahientaŭ u cyvilnym, dali 3 hady kałonii
Sud Maskoŭskaha rajona Minska 12 sakavika vynies prysud Śviatasłavu Baranoviču — try hady kałonii ahulnaha režymu. Baranovič abaraniaŭ udzielnikaŭ «Marša niedarmajedaŭ» hod tamu. Tady jon niekalki razoŭ udaryŭ amapaŭca ŭ cyvilnym.
Arciom Paŭłaŭ, toj samy amapaviec, prachodziŭ pa spravie paciarpiełym. A Baranovič ad kastryčnika znachodziŭsia ŭ SIZA.
Padtrymać Baranoviča na sud pryjšli palityki i aktyvisty: Mikałaj Statkievič, Leanid Kułakoŭ, Viačasłaŭ Kasinieraŭ, Pavieł Sieviaryniec.
Uvohule pryjšła poŭnaja zała narodu, navat trenier pa boksu Baranoviča.
U apošnim słovie Baranovič pavinšavaŭ usich mam z 8 sakavika i skazaŭ, što ŭsio ž nie viedaŭ, što ŭ cyvilnym byŭ milicyjant — maŭlaŭ prosta pahadziŭsia z papierami. Taksama paprasiŭ sud uličyć, što jon byŭ ćviarozym i paśla ŭdaru nie staŭ praciahvać bojku. A taksama prynios vybačeńni paciarpiełamu amapaŭcu.
Jon pryznaŭ, što ździejśniŭ złačynstva, ale kazaŭ, nie dumaŭ, što za takoje prakuror paprosić 4 hady — dumaŭ, pakarańnie budzie 15 sutak.
Sudździa Śviatłana Bandarenka pryznała Baranoviča vinavatym. Vyrak — 3 hady kałonii ahulnaha režymu.
Prysud nie ŭstupiŭ u siłu i moža być abskardžany.
Paśla abajaščeńnia zala skandavała: «Hańba! Hańba!»
***
Na sudzie Śviatasłaŭ pryznaŭ vinu, taksama paviedamiŭ, što razumieŭ — bje milicyjanta. Prakuror patrabavaŭ dla abvinavačanaha 4 hady pazbaŭleńnia voli.
31-hadovaha Baranoviča nie pieršy raz pryciahvajuć da adkaznaści za hramadskuju aktyŭnaść. Jaho sudzili za ŭdzieł u Płoščy-2010. Chłopca zatrymali adnym z apošnich, 15 červienia 2011 hoda.
12 kastryčnika 2011 hoda sudździa Maskoŭskaha rajona Minska Alena Rudnickaja pakarała Śviatasłava tryma hadami «chatniaj chimii». Sudździa patłumačyła heta najaŭnaściu źmiakčajučych abstavin — maładoha ŭzrostu (chłopcu było ŭsiaho 25 hadoŭ) i najaŭnaści ŭ jaho miesca pracy.
Kamientary