Suśvietny bank pravieryć Biełaruś
Misija maje namier pravieści kansultacyi z uradam Biełarusi pa pytańniach ekanamičnaj palityki, uklučajučy abmierkavańnie pytańniaŭ makraekanamičnych pieraŭtvareńniaŭ, struktury dziaržaŭnaha biudžetu, reformaŭ enerhietyčnaha sektaru, finansavaj dyscypliny i derehulavańnia, raźvićcia pryvatnaha sektaru i systemy sacyjalnaj abarony.
Eksperty Suśvietnaha banku planujuć zaviaršyć svaju pracu ŭ Miensku 17 śniežnia.
Biełaruś stała siabram Suśvietnaha banku ŭ lipieni 1992 hodu, kali padpisałasia na jahonyja akcyja na sumu 400,9 miljonaŭ dalaraŭ ZŠA.
Suśvietny bank — mižnarodnaja finansavaja arhanizacyja, hałoŭnaj zadačaj jakoj źjaŭlajecca spryjańnie ŭstojlivaha ekanamičnaha prahresu ŭ krainach, jakija raźvivajucca. Pryjarytetnymi dla Banku jość strukturnyja pieraŭtvareńni: liberalizacyja handlu, pryvatyzacyja, reforma adukacyi i achovy zdaroŭja, investycyi ŭ infrastrukturu.