Połacki vartaŭnik abakraŭ maskoŭski cyrk-šapito
Maskoŭski cyrk pakinuŭ častku svaich rečaŭ u Połacku. Kiraŭniki trupy znajšli stajanku i naniali 35-hadovaha miascovaha žychara vartaŭnikom, paviedamlaje milicyja.
Paśla cyrk źjechaŭ, a vartaŭnik zastaŭsia. I vyrašyŭ, što čužuju majomaść možna pradać. Razam sa svaimi znajomymi mužčyna vynies rečaŭ na 8 tysiač biełaruskich rubloŭ.
Ale niedachop rečaŭ zaŭvažyŭ enierhietyk cyrka, jaki praviaraŭ abstalavańnie. Źviarnulisia ŭ milicyju.
Vartaŭnika zatrymali. Ciapier jamu i jaho «kampańjonam» pahražaje da 4 hadoŭ źniavoleńnia.