Paśla zabojstva pjanymi palicejskimi 5-hadovaha chłopčyka pa ŭsioj Ukrainie prachodziać mitynhi za adstaŭku kiraŭnika MUS
Masavyja pikiety z patrabavańniem da ministra ŭnutranych spraŭ Arsiena Avakava syści ŭ adstaŭku prachodziać u bujnych haradach Ukrainy pad upraŭleńniami palicyi, paviedamlaje «Ukrajinśka pravda».
Adznačajecca, što ŭ haradach Ukrainy prachodziać stychijnyja pikiety pad budynkami ŭpraŭleńniaŭ Nacyjanalnaj palicyi ŭ suviazi sa śmierciu 5-hadovaha chłopčyka ŭ Pierajasłavie-Chmialnickim, u zabojstvie jakoha padazrajuć palicejskaha.
Čytajcie taksama: Pad Kijevam pjanyja ŭ dym palicejskija zastrelili 5-hadovaha chłopčyka
Haradžanie niasuć da ŭvachodaŭ miascovych adździaleńniaŭ palicyi kvietki, cacki, a taksama zapalvajuć śviečki.
Pikiety prachodziać u Chiersonie, Pierajasłavie-Chmialnickim, Kijevie, Čarnaŭcach, Łucku, Roŭnie, Krapiŭnickim, Ciarnopali, Vińnicy, Dniapry, Lvovie, Žytomiry, Užharadzie, Mikałajevie i inšych haradach.