U Rasii zahinuli 14 padvodnikaŭ, u tym liku 2 hieroi Rasii
Pry pažary na hłybakavodnym aparacie Minabarony Rasii zahinuli 14 padvodnikaŭ.
1 lipienia ŭ rasijskich terytaryjalnych vodach na navukova-daśledčym hłybakavodnym aparacie, u chodzie praviadzieńnia bijamietryčnych vymiareńniaŭ zdaryŭsia pažar. 14 marakoŭ-padvodnikaŭ zahinuli ŭ vyniku atručeńnia praduktami hareńnia, zajaŭlaje Minabarony Rasii.
Ačah uzharańnia byŭ likvidavany dziejańniami kamandy. Zaraz hłybakavodny aparat znachodzicca na vajenna-marskoj bazie Sievieramorsk (Murmanskaja vobłaść).
Krynica RBK u siłavych strukturach paviedamiła, što zdareńnie adbyłosia 1 lipienia kala 20:30 na aparacie hłybakavodnaj atamnaj padłodki AS-12, viadomaj jak «Łašaryk». Zahinuŭ štatny ekipaž aparata, paviedamiŭ surazmoŭca.
Heta najbujniejšaje pa kolkaści achviar zdareńnie na padvodnych aparatach Minabarony Rasii ź listapada 2008 hoda. Tady avaryja na pabudavanaj, ale jašče nie pryniataj u skład VMF atamnaj padvodnaj łodcy «Nierpa» zabrała žyćci 20 čałaviek.