Pažar, achviarami jakoha stali 14 rasijskich marakoŭ, uspychnuŭ na sakretnym dyviersijnym aparacie
Praz pažar na navukova-daśledčym hłybakavodnym aparacie zahinuli 14 rasijskich marakoŭ.
Pavodle krynic «Novoj haziety», havorka idzie pra atamnuju padvodnuju stancyju AS-12, viadomuju taksama jak «Łašaryk». Pažar uźnik u adnym z adsiekaŭ, jaki paśla pačatku zdareńnia byŭ zahiermietyzavany. Usie zahinuŭšyja, pavodle surazmoŭcy «Novoj», byli aficerami.
Pra AS-12 viadoma niašmat, a jaje pryznačeńnie doŭhi čas zastavałasia nieviadomym. Pa aficyjnych danych, jana nie niasie ŭzbrajeńnia i moža apuskacca na hłybiniu da 6000 mietraŭ, jaje ekipaž składaje 25 čałaviek.
Pry hetym niekalki hadoŭ tamu Pientahon zajaŭlaŭ, što AS-12 źjaŭlajecca dyviersijnym aparatam, jaki moža vykarystoŭvacca dla razbureńnia padvodnaj infrastruktury.
AS-12 była spuščanaja na vadu ŭ žniŭni 2003 hoda. «Łašaryk» uvachodzić u skład Hałoŭnaha ŭpraŭleńnia hłybakavodnych daśledavańniaŭ Minabarony Rasii, jakoje bolš viadoma jak «Padvodnaja raźviedka» i padparadkoŭvajecca niepasredna ministru abarony krainy.
Eto — jedinstviennaja suŝiestvujuŝaja fotohrafija «Łošarika». Łodka spuŝiena na vodu v 2003 hodu, no jeje nie fotohrafirujut. Foto: «Radio Svoboda» pic.twitter.com/56TkmXoU6A
— MBCH Miedia (@MBKhMedia) July 2, 2019
Ciapier čytajuć
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary