Błohier Matolka abiacaje $1000 za infarmacyju, «kamu pierajšoŭ darohu Damaracki»
Haradski błohier Anton Matolka ŭ svaich sacyjalnych sietkach abvieściŭ uznaharodu ŭ pamiery tysiačy dalaraŭ za infarmacyju adnosna taho, «kamu pierajšoŭ darohu Andrej Damaracki».
Anton Matolka. Fota Siarhieja Hudzilina.
«Infarmacyja pažadana z dokazami. Albo za infarmacyju, jakaja dapamoža ŭ novym sudovym pasiadžeńni (a siamja i Andrej Uładzimiravič buduć apratestoŭvać hetaje rašeńnie, samo saboj)», — piša Matolka.
Andrej Damaracki — były namieśnik staršyni Minharvykankama. Sud Centralnaha rajona Minska pryznaŭ jaho vinavatym va złoŭžyvańni ŭładaj i atrymańni chabaru i asudziŭ da 12 hadoŭ pazbaŭleńnia voli z kanfiskacyjaj majomaści.
Kali vy niešta viedajecie, źviažyciesia sa mnoj. Pošta: toxaby@protonmail.com abo toxaby@gmail.com. Telegram: @Toxaby», — adznačaje błohier.
«Viedaju, što mianie čytajuć vielmi šmat ludziej, jakija pracavali razam ci pad kiraŭnictvam Andreja Damarackaha. Ci prosta pierasiakalisia ź im. Kali budzie novy sud, znajdzicie ŭ sabie śmiełaść, i adprasicca z pracy choć by na pieršaje pasiedžańnie. Vy ž sami ŭ šoku ad prysudu, pryznajcie heta», — napisaŭ Matolka.