U Maładziečnie kiroŭca-biaspraŭnik skraŭ BMW, paškodziŭ dźvie mašyny — i zasnuŭ u sałonie
Fota abłasnoj milicyi
Da piaci hadoŭ pazbaŭleńnia voli pahražaje 23-hadovamu žycharu Maładziečanskaha rajona. Maładoha čałavieka padazrajuć va ŭhonie aŭtamabila BMW 529, paviedamlaje Rehijanalnaja hazieta.
Na liniju 102 u Maładziečanski RAUS 38-hadovy haradžanin paviedamiŭ, što ŭ dvary doma pa Jakuba Jasinskaha nieviadomy paškodziŭ aŭtamabil Mersedes-Benz Vito.
Supracoŭniki DAI ŭstnavili, što akramia nazvanaha aŭto paškodžana była i Toyota Corolla.
Ahladajučy dvary, rabotniki DAI zaŭvažyli BMW 529 ź miechaničnymi paškodžańniami, charakternymi dla dadzienaha DTZ.
Na zadnim siadzieńni spaŭ małady čałaviek, vinavaty ŭ avaryi. Milicyjaniery pabudzili chłopca.
U chodzie razboru supracoŭniki DAI ŭstanavili ŭładalnika mašyny.
Vyśvietliłasia, što haspadar aŭtamabila z pryjacielem adpačyvaŭ u zabaŭlalnych ustanovach, paśla čaho vyrašyŭ naviedać znajomuju, jakaja pražyvaje ŭ šmatkvaternym domie pa Zabejdy-Sumickaha.
Tavaryša pakinuŭ u mašynie z zaviedzieny ruchavikom.
U hety čas chłopiec vyrašyŭ pakatacca na čužoj mašynie. Pry razvarocie ŭ dvary niećviarozy kiroŭca začapiŭ pryparkavanyja aŭtamabili. Prajechaŭšy kala čatyroch mietraŭ, spyniŭsia.
Paśla čaho tam ža, ŭ mašynie, vypiŭ śpirtnoje i zasnuŭ. U kryvi fihuranta było 0,8 pramile. Jak raspavioŭ sam aŭtaamatar, jon vypiŭ litr piva.