Machlar padmanuŭ 34 čałaviek, vydajučy siabie za pradstaŭnika rasijskich kampanij
Mužčyna z 2012-ha pa 2014 hod šlacham zmanu abo złoŭžyvańnia davieram zavałodaŭ hrašovymi srodkami 34 hramadzian Biełarusi i inšych dziaržaŭ na 2 miljony rubloŭ, piša SK.
Abvinavačany vykarystaŭ rekvizity roznych tavarystvaŭ z abmiežavanaj adkaznaściu, zarehistravanych u Rasijskaj Fiederacyi na asob, jakija viaduć asacyjalny ład žyćcia. Na terytoryi našaj krainy jon vydavaŭ siabie za paśpiachovaha biznesmiena, nibyta dziejničaŭ ad imia kiraŭnika abo ŭpraŭlajučaha vyšejzhadanych arhanizacyj.
U 2014 hodzie ŭ pravaachoŭnyja orhany stali pastupać zajavy ad padmanutych hramadzian. Jak tolki pra heta daviedaŭsia abvinavačvany, jon adrazu adpraviŭ svaju siamju ŭ ZŠA i sam źbiraŭsia tudy źjechać, ale pravaachoŭniki paśpieli abmiežavać jaho vyjezd z krainy.
Toj usie roŭna źbieh, i jaho abjavili ŭ vyšuk. U 2017 hodzie jon byŭ zatrymany.