Zialenski ŭšanavaŭ pamiać kibarhaŭ — abaroncaŭ danieckaha aeraporta FOTA
president.gov.ua
Prezident Ukrainy Uładzimir Zialenski ŭšanavaŭ pamiać słužačych Uzbrojenych sił Ukrainy, jakija zahinuli ŭ bajach za aeraport Daniecka ŭ 2014 h.
Zialenski ŭskłaŭ kvietki da padnožža pamiatnaha zvona na terytoryi Ministerstva abarony Ukrainy i parazmaŭlaŭ ź siemjami vajskoŭcaŭ.
«U Minabarony Ukrainy ŭšanavali pamiać hierojaŭ-«kibarhaŭ» — abaroncaŭ danieckaha aeraporta. Zvon pamiaci prahučaŭ 50 razoŭ. (…) Viečnaja słava ukrainskim hierojam!» — havorycca ŭ paviedamleńni, apublikavanym ŭ aficyjnym Twitter-akaŭncie ŭkrainskaha abaronnaha viedamstva.
16 studzienia Zialenski nazvaŭ «kibarhaŭ» najlepšym prykładam dla ŭsich abaroncaŭ Ukrainy. Pa słovach kiraŭnika dziaržavy, «navat vorah pryznaŭ» ich niazłomnaść.