U Mahiloŭskaj vobłaści — čatyry paćvierdžanyja vypadki karanavirusa. Dva ź ich u daktaroŭ
Na terytoryi Mahiloŭskaj vobłaści da ŭžo viadomaha vypadku zaražeńnia karanavirusnaj infiekcyjaj dadalisia jašče try. Pra heta paviedamiła hałoŭny dziaržaŭny sanitarny ŭrač Mahiloŭskaj vobłaści Śviatłana Niačaj, paviedamlaje mahiloŭskaje telebačańnie.
Pavodle jaje słoŭ, zachvareli žychary Kiraŭska i Babrujska. Abodva — pracoŭnyja mihranty, jakija viarnulisia z rabot u Maskvie. Jašče adzin chvory — mahiloŭski miedyk, jaki prachodziŭ navučańnie ŭ Viciebsku.
Nahadajem, pieršaj aficyjna zaražanaj u Mahiloŭskaj vobłaści stała 33-hadovaja lekarka z Kryčava, jakaja viała pryjom u padletkavym kabiniecie.