U Rasii ad karanavirusa pamior pieršy ijerarch Pravasłaŭnaj carkvy
Vienijamin (Karaloŭ)
Jepiskap Ruskaj pravasłaŭnaj carkvy Vieńjamin (Karaloŭ), infikavany karanavirusam, pamior u infiekcyjnaj balnicy Kurska, paviedamlaje sajt carkvy. U jaho była dyjahnastavana dvuchbakovaja pnieŭmanija. Pamierły staŭ pieršym ijerejem RPC, jaki zahinuŭ ad infiekcyi. Jamu było 55 hod.
12 krasavika, u Vierbnuju niadzielu, Karaloŭ adsłužyŭ apošniuju słužbu ź nievialikaj kolkaściu pažyłych prychadžanaŭ, adznačaje vydańnie «Achiła». Pa śćvierdžańni vydańnia, jak minimum dvoje śviataroŭ ź jeparchii chvoryja na karanavirusnuju infiekcyju. 18 krasavika supołka jeparchii UKantakcie paviedamiła pra śmierć protadyjakana miascovaha prychodu.