Supracoŭniki BT znoŭ vyjšli na strajk. Padjezd i padychod da budynka pierakryvajuć ludzi ŭ cyvilnym
U budynku Biełteleradyjokampanii siońnia byŭ zajaŭleny śpič-kancert «zabaronienych» muzykaŭ, pryśviečany sumlennym vybarach, ale jon pakul tak i nie pačaŭsia. Ale strajk praciahniecca, piša Tut.by
Kala 10-j ranicy prajezd da Biełteleradyjokampanii z boku praśpiekta Niezaležnaści pierakryła DAI. Kala budynka BT a 10 hadzinie płanavali vystupić «zabaronienyja» muzyki. Uvachod u budynak aharadzili płotam. Ale supracoŭnikaŭ ŭnutr pakul puskajuć. Pakul niešmatlikaja hrupa strajkoŭcaŭ BT staić kala płota.
Apaviaščeńnie z patrabavańniami da kiraŭnictva pryznać niesapraŭdnymi vyniki vybaraŭ, vyzvalić usich palitviaźniaŭ i adznačyć cenzuru na ranicu 18 žniŭnia padpisaŭ kala 300 čałaviek.
Čakajecca, što da budynka BT pryjduć i supracoŭniki Doma radyjo. Ale padjezd da budynka ačepleny, siudy nie mohuć padjechać i vałanciory z vadoj. Chłopcy paprasili dapamohi, kab padnieści vadu da budynka ŭ rukach.
U 10.45 supracoŭniki ŭ cyvilnym pastavili aharodžu na astraŭku pamiž ziebrami, na piešachodnym pierachodzie, jaki viadzie da budynka BT. Niekalki strajkoŭcaŭ mužčyn stali prybirać zaharodu na astraŭku. Supracoŭnik u cyvilnym sprabavaŭ jaho viarnuć, mužčyny jamu nie dazvolili, paprasiŭšy pradstavicca. Čałaviek u cyvilnym pad kryki «Idzi» syšoŭ u nieviadomym nakirunku.