U Žłobinie zatrymali 5 čałaviek. Raniej u horadzie zaviali spravu za paklop na milicyjaniera
U Žłobinie ranicaj 23 kastryčnika zatrymali Ivana Kašyckaha kala sadka, kudy jon advioŭ dzicia. Pra heta paviedamili baćki inšych daškolnikaŭ, jakija byli śviedkami zatrymańnia, piša Radyjo Svaboda.
Potym źnikła suviaź ź jahonaj žonkaj Kryścinaj. «Jana tolki paśpieła paviedamić, što da jaje ŭ chatu łomicca milicyja, i suviaź źnikła», — paviedamiła žycharka Žłobina Lijana Šuba.
Taksama zatrymali Iłonu i Valera Tkačovych, Inhu Hieryłovič.
8 kastryčnika ŭ spravie pra paklop na milicyjanta zatrymlivali traich žycharoŭ Žłobina: Viačasłava Pietračenku, Śniažanu Pahodzinu i Śviatłanu Zyl.
Śniažana i Śviatłana — siostry, pracujuć na BMZ. Milicyja praviała ŭ ich pieratrus, zabrała noŭtbuki, płanšety, telefony. Ciapier Śviatłana prachodzić pa spravie jak padazravanaja, a Śniažana — jak śviedka. Hetych traich zatrymanych nieŭzabavie adpuścili.