U Minsku DAI spyniła kiroŭcu ŭ jakaści paniatoha — a toj pjany
Incydent adbyŭsia 18 sakavika na 17-m kiłamietry ŭnutranaha kalca MKAD, piša BiełTA.
Kala 21:05 pry afarmleńni DTZ inśpiektary DPS spynili kiroŭcu «Falksvahiena», kab pryciahnuć jaho ŭ jakaści paniatoha. Adnak vyśvietliłasia, što mužčyna niećviarozy. Kancentracyja paroŭ ałkaholu ŭ vydychanym pavietry skłała 2,49 pramile — heta adpaviadaje pryblizna vypitaj butelcy harełki.
Na parušalnika skłali administracyjny pratakoł, jamu pahražaje štraf u 200 bazavych i pazbaŭleńnie pravoŭ na piać hadoŭ.