Kiraŭnik kalehii advakataŭ pra źliŭ pryvatnaj razmovy Cichanoŭskaha z advakatam: Pakul u mianie niama padstavaŭ zajmacca hetym pytańniem
Padčas tranślacyi filma «Zabić prezidenta» na telekanale ANT prademanstravali kadry pryvatnaj razmovy palitviaźnia, stvaralnika prajekta «Kraina dla žyćcia» Siarhieja Cichanoŭskaha, z advakatkaj Natallaj Mackievič. Heta hrubaje parušeńnie zakanadaŭstva, jakoje harantuje kanfidencyjnaść takich razmovaŭ.
«Naša Niva» źviarnułasia da staršyni Biełaruskaj respublikanskaj kalehii advakataŭ Viktara Čajčyca, kab daviedacca, ci budzie niejkaja reakcyja advakackaj supolnaści na takoje ŭmiašańnie ŭ ich pracu?
Viktar Čajčyc, staršynia Biełaruskaj respublikanskaj kalehii advakataŭ i člen Savieta respubliki
«Vy spytajcie, kali łaska, u advakata, jaki razmaŭlaŭ ź Cichanoŭskim. Kali advakat da mianie źvierniecca z hetym pytańniem, paprosić, kab ja niejak dapamoh, tady ja budu raźbiracca. A pakul u mianie niama padstavaŭ zajmacca hetym pytańniem», — skazaŭ spadar Čajčyc.