Dźvie najlepšyja redaktarki Biełarusi znoŭ za kratami. Pahladzicie, što jany kazali pra žurnalistyku
Hałoŭnaja redaktarka «Tut.baj» Maryna Zołatava čaćviorty miesiac znachodzicca ŭ śledčym izalatary pa abvinavačvańni ŭ niaspłacie padatkaŭ. Heta nie pieršaja sproba ŭładaŭ prymusić jaje maŭčać. Try hady tamu była «sprava BiełTA» — tady Zołatavu pakarali štrafam.
Pa hetaj spravie zatrymlivali i redaktaru BiełaPAN Irynu Leŭšynu. Jana taksama ciapier za kratami, SK užo anansavaŭ, što pytańni pa padatkach buduć i da jaje.
Zołatava i Leŭšyna majuć biezdakornuju reputacyju ŭ žurnalisckim asiarodździ, bolš za 20 hadoŭ jany rabili ŭsio dla ŭmacavańnia niezaležnaj presy ŭ Biełarusi.
Ci bajalisia jany, što pa ich pryjduć? Ci razumieli, na jaki cisk zdolnaja ŭłada, jakaja choča prymusić maŭčać? Pahladzicie, što jany kazali pra heta, kali jašče była nie zavieršanaja «sprava BiełTA».