Minčanka na Akreścina zachvareła na karonu, paśla vyzvaleńnia trapiła na ŠVŁ i pamierła
Alenu zatrymali ŭ pačatku vieraśnia. Jana była sukamiernicaj našaj kalehi Kaciaryny Karpickaj, asudžanaj na 30 sutak.
Voś što Kaciaryna zhadvaje pra žančynu:
— Sukamiernica Alena, samaja enierhičnaja i bojkaja z nas, pamierła ad karony. Na Akreścina my ŭsio na jaje chvareli. Alenie za adzin dzień stała vielmi błaha, jana amal trupam lažała pad narami. My prymušali jaje choć niešta źjeści. Lačyłasia ŭsio heta paracetamołam i, kali zusim čałavieku błaha, antybijotykam.
Ź CIP Alena adpraviłasia na ŠVŁ i tak i nie vykaraskałasia.
Žančynie było ŭsiaho 53 hady.