Pamior kiroŭca aŭtobusa, jaki paśla vybaraŭ byŭ paranieny hranataj
Pavieł Sibiloŭ nie dažyŭ da svajho 50-hadovaha jubileju: jaho nie stała 10 kastryčnika. Pra heta «Našaj Nivie» paviedamili jaho rodnyja.
Da žniŭnia 2020-ha Pavieł byŭ zdarovym 48-hadovym mužčynam. Viečar 10-ha žniŭnia całkam pieraviarnuŭ jaho žyćcio. U toj dzień Sibiloŭ zaviaršaŭ pracoŭnuju źmienu na aŭtobusie №163. Ale skončyć maršrut tak i nie vypała: aŭtobus razam ź inšym transpartam trapiŭ u zator.
Pavieł vyjšaŭ abmierkavać situacyju z kaleham, jak nieŭzabavie jamu ŭ śpinu prylacieła hranata i humovyja kuli. Paśla ranieńniaŭ mužčyna miesiac pravioŭ u vajennym špitali, pieražyŭ pierasadku skury, atrymaŭ pieršuju hrupu invalidnaści.
Nieŭzabavie paśla vypiski z vajennaha špitala ŭ jaho znajšli ankałohiju (rak hałoŭki padstraŭnikavaj załozy, a taksama prastaty) — jon pierasoŭvaŭsia pa vulicy vyklučna z kijkom u rukach.
«Paša vielmi mučyŭsia, ale tryvaŭ i maŭčaŭ. Vielmi redka prasiŭ dapamohi. Daktary zrabili ŭsio, što mahli, ale ankałohiju nie pieramahli. Dla nas pačatkam chvaroby stała ranieńnie. Los vyrašyŭ tak…» — kamientujuć blizkija.
SK admoviŭsia zavodzić spravu pa fakcie ranieńnia kiroŭcy ŭ jaho ž pracoŭnuju źmienu.
U Paŭła zastałosia troje dziaciej: małodšy syn u hetym hodzie pajšoŭ u pieršy kłas. Vykazvajem spačuvańni rodnym i blizkim.
Da hadaviny vybaraŭ my rabili intervju z Paŭłam:
«Hatovy addać usio, što jość, u abmien na zdaroŭje».
-
U žodzinskaj paliklinicy abviarhajuć, što ŭ ich u rehistratury pamior mužčyna
-
Biełarus, jaki haładaŭ u Kłajpiedzie z-za niemahčymaści vyvieźci aŭtamabil, ciapier pratestuje za akijanam
-
U Hrodnie ŭvadnačas zakryli pałovu kijoskaŭ, dzie možna nabyć kvitki na hramadski transpart. U aŭtaparku prablemy nie bačać
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie53
Kamientary