12 bajcoŭ Rashvardyi z Krasnadarskaha AMAPu admovilisia jechać va Ukrainu. Jany paličyli zahad pierasiakać miažu niezakonnym
Adbyłosia heta napačatku vajny. Ale stała viadoma tolki ciapier. 25 lutaha kapitan palicyi Faryd Čytajeŭ, kamandzir uzvoda apieratyŭnaj roty AMAP «Płastun» Rashvardyi pa Krasnadarskim krai, i 11 bajcoŭ ź jaho roty admovilisia vykanać zahad kamandzira atrada ab pierasiačeńni miažy RF i dalejšym ruchu na terytoryju Ukrainy. Pra heta napisaŭ viadomy rasijski juryst Pavieł Čykaŭ.
Admovu vykanać zahad bajcy Rashvardyi patłumačyli jaho niezakonnaściu. Ni ŭ adnaho ź ich z saboj nie było ni zamiežnaha pašparta, ni namieru pakinuć terytoryju Rasii, a ich pramyja słužbovyja abaviazki abmiažoŭvalisia terytoryjaj Rasijskaj Fiederacyi. Ab kamandziroŭcy na terytoryju Ukrainy dla ŭdziełu ŭ śpiecyjalnaj vajennaj apieracyi, ab zadačach i ŭmovach apieracyi nichto ź ich u papiaredžany nie byŭ i, jak śledstva, zhody na jaje nie davaŭ.
Bajcoŭ Rashvardyi viarnuli ŭ Krasnadar, praviali ŭ dačynieńni da ich słužbovuju pravierku i zvolnili sa słužby.
Rashvardziejcy ličać zvalnieńnie niezakonnym i padali ŭ sud pazoŭ ab adnaŭleńni na pracy.