Na pamiežnym pierachodzie ŭ Babroŭnikach fury stajać užo pa 90 hadzin
Na polska-biełaruskaj miažy na pamiežnym pierachodzie Babroŭniki fury stajać pa 90 hadzin u čarzie, paviedamlaje mostmedia.io.
Fota: Marcin Mazewski / Radio Bialystok
Čas čakańnia afarmleńnia i vyjezdu z Polšču ŭ Biełaruś bje rekordy. Na 31 sakavika kiroŭcy stajać u čarzie pa 90 hadzin. U čarzie znachodziacca bolš za 1600 aŭtamabilaŭ.
Apošnija dva tydni ŭ Babroŭnikach praviarali mienš mašyn, čym zvyčajna. Heta dadatkova adbivajecca na daŭžyni čarhi.
Afarmleńnie mienšaj kolkaści transpartnych srodkaŭ źviazana z bolš praciahłym pracesam rehistracyi. ES uvioŭ novyja ekanamičnyja sankcyi i zabaraniŭ pieravozku asobnych tavaraŭ u Rasiju paśla jaje ahresii va Ukrainie. Mytnyja orhany Polščy ciapier praviarajuć nie tolki dakumienty, ale i źmieściva hruzavikoŭ, što nakiroŭvajucca ŭ Biełaruś ci Rasiju.