Značnaja dypłamatyčnaja i vajennaja pieramoha Ukrainy: pry pasiarednictvie Turcyi i AAN padpisvajecca pahadnieńnie ab eksparcie zbožža
Dakumient u Stambule padpisvajuć ministr infrastruktury Ukrainy Alaksandr Kubrakoŭ, ministr abarony Rasii Siarhiej Šajhu, ministr abarony Turcyi Chułusi Akar i hienieralny sakratar AAN Antoniu Huteryš.
Rasijski i ŭkrainski baki padpisvali dakumient asobna, kab ministry nie sustrakalisia adzin z adnym.
Pahadnieńnie stała vynikam taho, što Ukraina ŭtrymała kantrol nad partami «Adesa», «Čarnamorsk» i «Paŭdniovy».
Adnaŭleńnie ekspartu marskim šlacham daść Ukrainie srodki dla adnaŭleńnia ekanamičnaj aktyŭnaści i finansavańnia armii.
Čamu Rasija pahadziłasia ŭrešcie na prachod karabloŭ da Adesy? Tamu što kali b jana nie pahadziłasia na heta dabrom, Zachad daŭ by Ukrainie zbroju, jakaja b dazvoliła ažyćciavić toje samaje vajennym šlacham. Paśla vyzvaleńnia vostrava Źmiainy i ŭkrainskich udaraŭ pa Čarnamorskim fłocie Rasii bałans siłaŭ źmianiŭsia.