Imparciory lekaŭ buduć abaviazanyja źnižać na ich ceny pry adpaviednaj źmienie kursu valuty
Łukašenka padpisaŭ ukaz № 380, jakim uniesieny źmieny va ŭkaz № 366 ad 11 žniŭnia 2005 hoda «Ab farmiravańni cenaŭ na lekavyja srodki, vyraby miedycynskaha pryznačeńnia i miedycynskuju techniku», paviedamlaje jahonaja pres-słužba.
Dakumientam vyznačajucca adzinyja padychody da pieraacenki impartnych miedycynskich tavaraŭ pry źmienie kursaŭ valut niezaležna ad krainy vytvorčaści.
Ukazam zamacavany abaviazak imparcioraŭ karektavać košt miedycynskich tavaraŭ, pastaŭlenych z adterminoŭkaj płaciažu, pry źnižeńni kursaŭ valut. Heta značyć, kali źnižajucca kursy zamiežnych valut, to imparciory musiać źmianšać i ceny na leki.