Rasijskija mytniki znajšli biełaruskija cyharety ŭ hruzie piva
Rasijskija mytniki pierachapili ŭ Kraśninskim rajonie Smalenskaj vobłaści partyju biełaruskich cyharet ahulnym koštam kala 3 młn rasijskich rubloŭ (48,5 tysiač dalaraŭ). Ich pieravozili ŭ hruzavym aŭtamabili, jaki, pavodle dakumientaŭ, vioz bolš za 20 ton biełaruskaha piva ŭ Maskvu.
Pry ahladzie siarod skrynak ź pivam znajšli 26 tysiač pačkaŭ biełaruskich cyharet biez rasijskich akcyznych marak i dakumientaŭ.
Ciapier hetaj spravaj budzie zajmacca palicyja, paviedamlaje Centralnaje mytnaje ŭpraŭleńnie Fiederalnaj mytnaj słužby Rasii.