Sieryjał «Radnia» (Kindred) — mahičnyja padarožžy ŭ časie, čornaja amierykanka traplaje ŭ časy rabstva
U śniežni na ekrany vyjšła «Radnia» — adaptacyja ramana Aktavii Batler pra amierykanku, jakaja vypadkova traplaje ŭ časy rabstva i płantacyj. Dla amataraŭ mahičnych i histaryčnych siužetaŭ.
Fota: kadr z aficyjnaha trejlera
Raman «Radnia» ź vialikaj dakładnaściu apisvaje žyćcio raboŭ i adnačasova analizuje, jak sučasnaja afraamierykanka adčuvała b siabie ŭ hetym śviecie.
Dana Džejms, maładaja telescenarystka z Łos-Andželesa 2016 hoda, pieryjadyčna traplaje ŭ amierykanski Merylend 1815 hoda. Dana pieranosicca tudy kožny raz, kali Rufus Viejlin, maleńki syn uładalnika płantacyi, adčuvaje, što jaho žyćcio ŭ niebiaśpiecy. Kali Dana viartajecca dachaty, razumieje, što za tydni ci miesiacy jaje adsutnaści ŭ jaje sapraŭdnym časie prachodziać tolki chviliny ci hadziny.
New York Times piša, što sieryjał słabiejšy za knihu, ale taksama nie biez razynak. U vyniku my pačynajem dumać, što samyja strašnyja pahrozy dla Dany i jaje siabra Kievina nie ŭ rabaŭłaśnickim minułym ź jaho žorstkaściu i chvarobami, a ŭ našym siońnia. A samyja žachlivyja momanty historyi, prydumanaj Batler, pakinutyja da nastupnych siezonaŭ «Radni». Ciapierašni ž siezon zakančvajecca adnoj z samych dramatyčnych scen žorstkaści.
Rejtynhi na vialikich suśvietnych resursach:
IMDB — 7,4/10
Rotten Tomatoes — 61% (krytyki), 85% (hledačy)