Biełaruskaja čyhunka zapuskaje na viasnovyja śviaty dadatkovyja ciahniki
Biełaruskaja čyhunka pryznačyła bolš za 120 dadatkovych ciahnikoŭ mižrehijanalnych i mižnarodnych linij z 29 krasavika pa 10 maja, paviedamlaje pres-słužba kampanii.
U mižrehijanalnych znosinach ciahniki buduć kursiravać pa najbolš zapatrabavanych u pasažyraŭ kirunkach: Minsk — Brest, Minsk — Homiel, Minsk — Viciebsk, Minsk — Hrodna, Minsk — Mahiloŭ, Minsk — Pinsk, Homiel — Brest, Hrodna — Orša — Kryčaŭ, Viciebsk — Orša — Hrodna, Minsk — Kamunary, Kamunary — Orša — Hrodna.
U mižnarodnych znosinach va ŭzajemadziejańni z Rasijskaj čyhunkaj pryznačanyja dadatkovyja ciahniki pa maršrutach: Minsk — Maskva, Minsk — Sankt-Pieciarburh, Brest — Maskva, Połack — Maskva, Smalensk — Sankt-Pieciarburh.
Akramia hetaha, jak adznačyli ŭ pres-słužbie BČ, u zaležnaści ad popytu na pieravozki budzie pavialičana kolkaść miescaŭ dla prajezdu pasažyraŭ u rehularnych ciahnikach.
Čytajcie taksama:
U Krymie źbirajucca da leta naładzić čyhunačnaje złučeńnie ź Biełaruśsiu
Biełaruskaja čyhunka zapuskaje ciahnik da Archanhielska. Jechać dvoje sutak