«Aktyvatar strymlivaŭsia mahnitam». Źjavilisia padrabiaznaści, jak dziejničała vybuchovaja pryłada, jakoj padarvali Tatarskaha
Rasijski telehram-kanał Shot apublikavaŭ viersiju, pavodle jakoha pryncypu mahła dziejničać samarobnaja vybuchovaja pryłada, schavanaja ŭ statuetcy, jakuju 2 krasavika na mierapryjemstvie ŭ Sankt-Pieciarburhu ŭručyli prapahandystu Uładlenu Tatarskamu. U vyniku vybuchu prapahandyst zahinuŭ.
Dno statuetki z tym samym mahnitam
Jak raskazaŭ Shot nienazvany ekśpiert pa vybuchovaj spravie, unutry biusta, miarkujučy pa ŭsim, byŭ aktyvatar, jaki strymlivaŭsia mahnitam.
Statuetka, jakuju ŭručyli Tatarskamu
Ranicaj u dzień akcyi padazravanaja rasijskimi siłavikami ŭ jaje vykanańni Darja Trepava nibyta źniała sa dna statuetki hety mahnit, jaki zaścierahaŭ ad vypadkovaha vybuchu i nie dazvalaŭ pryvieści vybuchovuju pryładu ŭ dziejańnie dystancyjna. A kali mahnita na statuetcy nie stała, to vybuch staŭ mahčymym.
Čytajcie taksama:
FSB nazvała druhoha padazravanaha ŭ arhanizacyi zabojstva rasijskaha prapahandysta Tatarskaha
Na pachavańnie prapahandysta Tatarskaha «vahnieraŭcy» prynieśli kuvałdu