U picierskaj kaviarni padarvali prapahandysta Uładlena Tatarskaha. Vybuchoŭku, imavierna, schavali ŭ padoranaj załatoj statuetcy
Pa słovach vidavočcaŭ, vybuchnuła kala sceny, dzie vystupaŭ vajenkar. U kaviarni ŭ Piciery z Uładlenam Tatarskim ładzili tvorčy viečar. Kaviarnia naležała Jaŭhienu Pryhožynu, tut u vychadnyja źbiraŭsia dyskusijny kłub «Kibier Z front». Tatarski — były rabaŭnik, jaki staŭ prapahandystam i byŭ adnym z padpalščykaŭ ciapierašniaj vajny.
Jak paviedamili Readovka vidavočcy, na viečary, jaki prachodziŭ u pieciarburhskaj kaviarni, adbyŭsia vybuch. U pamiaškańnie nieviadomy pranios samarobnuju vybuchovuju pryładu, načynienuju paražalnymi elemientami. Ranieńni roznaj stupieni ciažkaści atrymała mnoha ludziej, u tym liku askiepkavyja.
Pa źviestkach ekstrannych słužbaŭ, adzin čałaviek zahinuŭ i 16 paranienyja. Viadučaha viečara paviezła ŭ ciažkim stanie chutkaja dapamoha.
Mahutnaść vybuchovaha prystasavańnia skłała bolš za 200 hram traciłu, paviedamlajuć pravaachoŭnyja orhany.
Vidavočcy raspaviali, što papiaredničała vybuchu. Pa słovach haradžan, piša «Fantanka», dziaŭčyna padaryła vajenkaru pazałočanuju statuetku. Jon padziakavaŭ za padarunak, a jana zaniała svajo miesca ŭ zale. Praź piać chvilin prahrymieŭ vybuch. Bolš za ŭsio paciarpieli hości ź pieršych šerahaŭ.
Darylščycu statuetki šukaje palicyja.
«Toje: što vybuchnuła statuetka — heta adna ź viersij, jakuju razhladaje śledstva. Vybuch adbyŭsia na vyšyni 60 santymietraŭ ad padłohi», — raspaviała RBK krynica ŭ MUS. Vydańnie piša, što vybuch adbyŭsia z pravaha boku ad miesca, dzie siadzieŭ Uładlen Tatarski.
Jak piša «Fantanka», raniej kaviarnia, dzie adbyŭsia vybuch, naležała Jaŭhienu Pryhožynu, tut u vychadnyja źbirajecca dyskusijny kłub «Kibier Z front».
Uładlen Tatarski (sapraŭdnaje imia Maksim Famin) naradziŭsia ŭ Makiejeŭcy na Danbasie. Siadzieŭ za abrabavańnie banka, a ŭ 2014-m źbieh z kałonii ŭ Harłoŭcy i dałučyŭsia da apałčeńnia ŭ «ŁNR». Słužyŭ u roznych padraździaleńniach, paźniej pierabraŭsia ŭ Maskvu. Na jaho telehram-kanał padpisana amal 560 tysiač čałaviek.
«Vsiech ub́jom. Vsiech, koho nado, ohrabim. Vsio, kak my lubim. S bohom». Pramova Tatarskaha
-
Zialenski adkazaŭ na prapanovu Pucina ab pieramovach
-
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ
-
«Heta budzie zusim novy i značna lepšy śviet». Tramp prakamientavaŭ prapanovu Pucina adnavić pieramovy z Ukrainaj
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary