U Brasłaŭskim rajonie šeść čałaviek paciarpieła pry sutyknieńni minivena z furaj
DTZ adbyłosia siońnia kala šostaj viečara na darozie R-27 «Brasłaŭ — Pastavy — Miadzieł», paviedamiła pres-słužba MUS.
23-hadovy kiroŭca hruzavoha «Reno» pry pavarocie naleva nie daŭ pieravahu sustrečnamu «Fijatu», za rulom jakoha byŭ 31-hadovy mužčyna. U vyniku sutyknieńnia kiroŭca i piaciora pasažyraŭ minivena (25, 52, 64-hadovaja žančyny, a taksama 51 i 54-hadovy mužčyny) z roznymi traŭmami patrapili ŭ balnicu.
Pavodle infarmacyi Minzdaroŭja, paśla paŭtornaha ahladu i kansiliumu ŭračy špitalizavali čatyroch paciarpiełych u reanimacyjnaje adździaleńnie, dvuch — u adździaleńnie chirurhii.
Va ŭsich dyjahnastavanyja traŭmy roznaj stupieni ciažkaści, u tym liku čerapna-mazhavyja, śpinalnyja, unutranych orhanaŭ.
Čytajcie taksama:
U Łahojskim rajonie mužčyna zahinuŭ, pierakuliŭšysia na samarobnym traktary
U Minsku padletak na rovary ledź nie trapiŭ pad tralejbus
U Breście na mužčynu abrynuŭsia mikraaŭtobus, jaki jon vykarystoŭvaŭ u jakaści «donara»