10 hod hurtu J:mors
Adznačyć hetu datu muzykanty vyrašyli ekskluziŭnaj prahramaj «Kancert u teatry — sieans z vykryćciom», jakuju i pakažuć 8‑ha śniežnia ŭ teatry imia Janki Kupały.
Sioleta bahata jakija hurty adznačajuć kruhłyja daty svajho isnavańnia. N.R.M., Neuro Dubel, B.N. A 8‑ha śniežnia i J:mors.
Adznačyć hetu datu muzykanty vyrašyli ekskluziŭnaj prahramaj «Kancert u teatry — sieans z vykryćciom», jakuju i pakažuć 8‑ha śniežnia ŭ teatry imia Janki Kupały. Płanujecca, što padčas vystupu prahučać nie tolki viadomyja chity, ale i pieśni, jakija ŭžo daŭno nie vykonvalisia na scenie, pačynajučy z samaha pieršaha alboma «Asarci» (2000).
Muzykanty abiacajuć, što pieśni buduć pradstaŭleny ŭ śpiecyjalnych aranžyroŭkach.
«Pa atmaśfiery heta budzie svajho rodu kancert‑śpiektakl — bolš cichaje hučańnie, z roznymi niestandartnymi dla nas instrumientami, ź cikavymi haściami i ŭ asablivym miescy. Uvohule, takich vystupaŭ u nas jašče nie było», ‑‑ piša Uładzimir Puhač na aficyjnym sajcie hurta.
Pieršapačatkova hurt nazyvaŭsia «No Logo». Heta byŭ duet studentaŭ‑iurystaŭ Uładzimira Puhača i Arcioma Ladoŭskaha. U 1999 hodzie da ich dałučyŭsia hitaryst Raman Arłoŭ.
Ad 2000‑ha hoda ŭ dyskahrafii J:mors vyjšła 11 dyskaŭ, siarod jakich i adzin całkam biełaruskamoŭny ‑‑ «Adlehłaść».