«Možam ranicaj pračynacca i dziakavać ministru asabista». Zialenski adkazaŭ na paproki brytanskaha ministra abarony
Paśla ŭdziełu ŭ samicie NATA ŭ Vilni prezidenta Ukrainy Uładzimira Zialenskaha paprasili prakamientavać słovy ministra abarony Vialikabrytanii Bena Uolesa, jaki zaklikaŭ Ukrainu vykazvać bolš padziaki partnioram za vajennuju padtrymku zamiest taho, kab pastajanna stavić patrabavańni pa razbłakavańni novych vidaŭ uzbrajeńniaŭ.
Uładzimir Zialenski na samicie NATA. Fota: AP Photo/Pavel Golovkin
Adkazvajučy na pytańnie, Zialenski zapeŭniŭ, što Ukraina vielmi ŭdziačnaja Vialikabrytanii i jaje narodu za padtrymku.
«Mnie zdajecca, my zaŭsiody byli vielmi ŭdziačnyja Złučanamu Karaleŭstvu, zaŭsiody ŭdziačnyja premjer-ministru i ministru abarony spadaru Uolesu… Ja prosta nie viedaju, što jon maje na ŭvazie, jak jašče nam treba padziakavać. Chaj jon napiša mnie… Možam ranicaj pračynacca i dziakavać ministru asabista. Brytanija — našy partniory, my im udziačnyja, mahčyma, ministru chočacca čahości asablivaha… Ale mnie zdajecca, u nas dobryja adnosiny. My ŭdziačnyja ludziam. Urešcie, vialikaja padtrymka ludziej upłyvaje na padtrymku luboha kiraŭnictva dziaržavy».
Taksama Zialenski źviarnuŭsia da ministra abarony Ukrainy Alaksieja Reźnikava, jaki byŭ u zale:
«Alaksiej, u vas drennyja adnosiny ź ministram abarony? Vydatnyja? Nu dyk padziakujcie jamu. Patelefanujcie jamu siońnia».
Reźnikaŭ ustaŭ i vykazaŭ padziaku Uolesu.
Čytajcie taksama:
Cichanoŭskaja sustrełasia z Bajdenam — «Radyjo Svaboda»