Minabarony raskazała, kaho nie voźmuć u narodnaje apałčeńnie
Učora Łukašenka padpisaŭ zakon ab stvareńni narodnaha apałčeńnia. Siońnia Minabarony raskazała, kaho nie voźmuć u heta farmavańnie.
Apałčency ŭ Hlivinskim sielskim Saviecie (Barysaŭski rajon). Pierad imi staić sakratar Rady biaśpieki Alaksandr Valfovič. Fota: «Minskaja praŭda»
Takim čynam, u narodnaje apałčeńnie nie mohuć być zaličany hramadzianie:
- jakija adbyvajuć pakarańnie ŭ vyhladzie aryštu, abmiežavańnia voli z nakiravańniem u papraŭčuju ŭstanovu adkrytaha typu, pazbaŭleńnia voli na peŭny termin abo pažyćciovaha pazbaŭleńnia voli;
- u dačynieńni da jakich prymieniena miera strymańnia ŭ vyhladzie zaklučeńnia pad vartu abo chatniaha aryštu;
- u dačynieńni da jakich pryniata rašeńnie ab internavańni;
- pryznanyja va ŭstanoŭlenym paradku niedziejazdolnymi albo abmiežavana dziejazdolnymi;
- jakija majuć zachvorvańni abo fizičnyja niedachopy, pry najaŭnaści jakich supraćpakazana vałodańnie zbrojaj.