Мінабароны расказала, каго не возьмуць у народнае апалчэнне
Учора Лукашэнка падпісаў закон аб стварэнні народнага апалчэння. Сёння Мінабароны расказала, каго не возьмуць у гэта фармаванне.
Апалчэнцы ў Глівінскім сельскім Савеце (Барысаўскі раён). Перад імі стаіць сакратар Рады бяспекі Аляксандр Вальфовіч. Фота: «Мінская праўда»
Такім чынам, у народнае апалчэнне не могуць быць залічаны грамадзяне:
- якія адбываюць пакаранне ў выглядзе арышту, абмежавання волі з накіраваннем у папраўчую ўстанову адкрытага тыпу, пазбаўлення волі на пэўны тэрмін або пажыццёвага пазбаўлення волі;
- у дачыненні да якіх прыменена мера стрымання ў выглядзе заключэння пад варту або хатняга арышту;
- у дачыненні да якіх прынята рашэнне аб інтэрнаванні;
- прызнаныя ва ўстаноўленым парадку недзеяздольнымі альбо абмежавана дзеяздольнымі;
- якія маюць захворванні або фізічныя недахопы, пры наяўнасці якіх супрацьпаказана валоданне зброяй.