Kampaniju z vaśmi čałaviek u Minsku aryštavali za łozunh «Słava Ukrainie» — pravaabaroncy
Sudździ Leninskaha rajona Minska pryznačyli kožnamu i kožnaj pa 15 sutak aryštu.
U Leninskim rajonie Minska 9 lipienia zatrymali siem mužčyn i adnu žančynu. Zhodna z pratakołami, minčuki «ŭ stanie ałkaholnaha apjanieńnia pryniali ŭdzieł u niesankcyjanavanym masavym mierapryjemstvie z metaj publičnaha vykazvańnia svajoj niazhody z praviadzieńniem śpiecyjalnaj vajskovaj apieracyi na terytoryi Ukrainy, padčas jakoj vykrykvali «Słava Ukrainie», paviedamlaje «Viasna».
Ich zatrymali i skłali pratakoły pavodle art. 24.23 KaAP. Sudy nad minčukami adbylisia nastupnaha dnia. Sudździ Leninskaha rajona Minska pryznačyli kožnamu i kožnaj pa 15 sutak aryštu.
Na sudzie dapytali i supracoŭnika milicyi, jaki zaŭvažyŭ «masavaje mierapryjemstva».
Jon paćvierdziŭ, što kožny pratestavaŭ suprać vajny.