Chakiery z KNDR uzłamali kampjutary vytvorcy kryłatych rakiet
Admietna, što heta adbyłosia litaralna praz paru tydniaŭ paśla vizitu Siarhieja Šajhu ŭ Pchieńjan.
Fota: Korean Central News Agency / Korea News Service via AP
Chakiery z Paŭnočnaj Karei ŭzłamali kampjutarnyja sietki rasijskaj karparacyi «NVA mašynabudavańnia», jakaja vyrablaje balistyčnyja i kryłatyja rakiety, piša Reuters.
Elitnaja hrupa paŭnočnakarejskich chakieraŭ tajemna pranikała ŭ kampjutarnyja sietki adnaho z najbujniejšych rasijskich raspracoŭščykaŭ rakiet ciaham sama mieniej piaci miesiacaŭ u minułym hodzie. Pra heta paviedamlaje ahienctva Reuters na asnovie atrymanaj infarmacyi i analizu, praviedzienaha daśledčykami ŭ halinie biaśpieki.
Pavodle danych Reuters, źviazanyja z paŭnočnakarejskim uradam hrupy kibieršpijonaŭ ScarCruft i Lazarus tajemna stavili nieprykmietnyja ličbavyja «čornyja kody» ŭ sistemy «NVA mašynabudavańnia», raźmieščanaha ŭ padmaskoŭnym Reŭtavie.
Vydańniu nie ŭdałosia vyśvietlić, ci byli atrymany jakija-niebudź danyja padčas praniknieńnia, a taksama toje, jakuju infarmacyju mahli prahledzieć chakiery.
Ale praź niekalki miesiacaŭ paśla ŭzłomu Pchieńjan abviaściŭ pra dasiahnieńni ŭ svajoj prahramie stvareńnia balistyčnych rakiet, adnak niezrazumieła, ci źviazana heta z uzłomam.
Adznačajecca, što chakiery mieli dostup da sietak «NVA mašynabudavańnia» z kanca 2021 pa maj 2022 hoda.
Naviny pra ŭzłom źjavilisia nieŭzabavie paśla pajezdki ministra abarony Rasii Siarhieja Šajhu ŭ Pchieńjan na 70-ju hadavinu Karejskaj vajny, jakaja stała pieršym vizitam ministra abarony Rasii ŭ Paŭnočnuju Kareju paśla raspadu Savieckaha Sajuza ŭ 1991 hodzie.
Čytajcie taksama: