«Ja staju tut, bo ja ŭsio jašče chaču havaryć». Byłaja palitźniavolenaja praviała adzinočny pikiet u Vilni
Nastaśsia Bułybienka — byłaja studentka BNTU, jakuju adličyli padčas vosieńskich akcyj pratestu ŭ Biełarusi.
Fota: Viasna
Paźniej dziaŭčynu asudzili da 2,5 hadoŭ kałonii. Jana całkam adbyła svoj termin i ŭ minułym listapadzie vyjšła na volu.
Paśla vyzvaleńnia jana atrymała zabaronu na vyjezd, zdymajučy jakuju, była zatrymanaja jašče na 30 sutak.
Fota: Viasna
«Ja staju tut, bo mnie ŭsio jašče baluča. Ja staju tut, bo ja ŭsio jašče chaču havaryć. Ja chaču vypluchnuć uvieś hety bol, i kab bolš ludziej daviedalisia pra situacyju ŭ Biełarusi, bo heta vielmi važna, — skazała Nastaśsia vydańniu «Salidarnaść».
«Paśla taho, jak ja apynułasia ŭ turmie na dva hady za svoj hołas, ja ŭsio jašče jaho maju i chaču im karystacca. Dla mianie jašče ničoha nie skončyłasia, bo heta ŭsio jašče praciahvajecca. Toje, što ja ciapier znachodžusia ŭ biaśpiecy, u hłabalnym sensie naohuł ničoha nie vyrašaje. Ja kožny dzień čytaju naviny, maje dziaŭčatki ŭsio jašče znachodziacca ŭ kałonii, mnie śniacca kašmary… Jaki heta moža być kaniec?»
Na płošču ŭ Vilni byłaja palitźniavolenaja vyjšła z płakatami ź ličbami pra kolkaść palitviaźniaŭ u Biełarusi i frazaj «Hvałt. Žorstkaść. Bol». Ruki dziaŭčyny byli ŭ kajdankach.
Čytajcie taksama:
Biełarusy ZŠA stvaryli instalacyju ŭ padtrymku palitviaźniaŭ FOTA