U biełaruskich školnikaŭ źjavicca fakultatyŭ pra siamiejnyja kaštoŭnaści
Da 2025 hoda kožny biełaruski školnik pavinien być achopleny fakultatyvam pra siamiejnyja kaštoŭnaści. Pra heta raspaviała ministarka pracy i sacabarony Iryna Kaścievič na mižnarodnaj kanfierencyi ŭ pytańniach sacyjalna-demahrafičnaj palityki, paviedamlaje «Biełaruś-1».
Ilustracyjnaje fota «Naša Niva»
«Padzieńnie ŭ demahrafii — tendencyja, ź jakoj sutyknulisia mnohija, u tym liku raźvityja krainy. Na što ŭpłyvaje i pavieličeńnie siaredniaha ŭzrostu ŭstupleńnia ŭ šlub. U Biełarusi heta 26-30 hadoŭ. Štohod u krainie da 36 tysiač razvodaŭ. Tamu pryščaplać siamiejnyja kaštoŭnaści nieabchodna ź dziacinstva», — paviedamiŭ telekanał.
Zaraz u Biełarusi idzie Baćkoŭski tydzień. Startavaŭ jon 14 kastryčnika z Dnia maci, a skončycca 21 kastryčnika Dniom baćki.
Čytajcie taksama:
«Natalla Ivanaŭna, kali treba sabrać podpisy, my źbiarom». Ułady nahniatajuć hamafobnuju isteryju
«Unieśli karekciroŭki ŭ kantent». Błohiera-miljońnika Dzim Dzimyča vyklikali ŭ Ministerstva kultury
«My nie možam za heta nie pieražyvać». Natallu Kačanavu niepakoić, što biełarusy pozna biaruć šlub