U Ekvataryjalnuju Hvinieju adpraviłasia maštabnaja aficyjnaja delehacyja
Uznačalvaje delehacyju ministr zamiežnych spraŭ Siarhiej Alejnik.
Fota: MZS
Maštabnaja biełaruskaja delehacyja ŭ składzie ministra zamiežnych spraŭ Siarhieja Alejnika, ministra sielskaj haspadarki i charčavańnia Siarhieja Bartaša, ministra achovy zdaroŭja Dźmitryja Pinieviča, namieśnikaŭ ministraŭ pramysłovaści, adukacyi, staršyniaŭ Dziaržaŭnaha kamiteta pa navucy i technałohijach, dziaržaŭnych kancernaŭ, pradstaŭnikoŭ kiraŭnictva Biełaruskaj handlova-pramysłovaj pałaty, vyšejšych navučalnych ustanoŭ, dziełavych i finansavych kołaŭ prybyła ŭ Ekvataryjalnuju Hvinieju i pačała svaju pracu ŭ horadzie Małaba.
Zapłanavany halinovyja pieramovy, uzhadnieńnie dakumientaŭ dvuchbakovaha supracoŭnictva i šerah inšych praktyčnych mierapryjemstvaŭ, paviedamlaje MZS u svaim fejsbuku.
Paradak dnia pačniecca z dvuchbakovaj sustrečy ministraŭ zamiežnych spraŭ dźviuch krain Siarhieja Alejnika i ministra zamiežnych spraŭ, mižnarodnaha supracoŭnictva i dyjaspary Simiaona Ajona Esuna Anhie i praciahniecca pašyranym pasiadžeńniem z udziełam usich členaŭ biełaruskaj delehacyi i ich kaleh z Ekvataryjalnaj Hviniei, dadaje MZS.
Čytajcie taksama:
Prezident Ekvataryjalnaj Hviniei pabačyŭ u biełarusach bratni narod