Prezident Ekvataryjalnaj Hviniei pabačyŭ u biełarusach bratni narod
Siońnia ŭ Minsku adbylisia pieramovy pamiž Alaksandram Łukašenkam i Teadoram Abijanham Nhiema Mbasoham.
«Moj pryjezd u Biełaruś źjaŭlajecca śviedčańniem majoj pierakananaści, što Biełaruś i biełaruski narod źjaŭlajucca dla nas bratnim narodam i bratniaj krainaj», — skazaŭ Teadora Abijanh Nhiema Mbasoha.
Łukašenka, u svaju čarhu, skazaŭ, što Biełaruś hatova dapamahčy Ekvataryjalnaj Hviniei być haspadarami na svajoj ziamli na karyść ułasnaha naroda: stvaryć nacyjanalnuju pramysłovaść, madernizavać sielskuju haspadarku, raźvivać navuku i technałohii.
«Pracujučy ŭ ramkach Jeŭrazijskaha ekanamičnaha sajuza, sumiesna z Rasijaj i inšymi respublikami byłoha Savieckaha Sajuza my prapanujem vašaj krainie dostup da ŭnikalnych technałohij, tavaraŭ i pasłuh», — skazaŭ Łukašenka.
Jon adznačyŭ, što Biełaruś try dziesiacihodździ žyvie pad ciskam Zachadu i kateharyčna nie prymaje lubych sprobaŭ cisku. «Biełarusy nie tolki nie pakutujuć kałanijalnymi zvyčkami, ale i nie sprabujuć nikomu ničoha naviazvać. Minsk vystupaje za spraviadlivy, šmatpalarny śviet, i my idziem u Afryku jak siabry. Našy techniku, technałohii dobra viedajuć na vašym kantyniencie, a mnohija vašy daktary i inžyniery vučylisia ŭ biełaruskich VNU, tamu ŭ nas nie pavinna być asablivych składanaściaŭ u naładžvańni dyjałohu. Pierakanany, nie budzie», — zajaviŭ Alaksandr Łukašenka.
Ministr zamiežnych spraŭ Siarhiej Alejnik zajaviŭ, što dla Minska važna raźvivać usiebakovyja kantakty z Ekvataryjalnaj Hviniejaj.
«Afryka — kantynient budučyni. My sumiesna pracujem nad aktyvizacyjaj usiaho kompleksu dvuchbakovych adnosin z akcentam pierš za ŭsio na ekanamičnym supracoŭnictvie. Jość surjoznaja ŭzajemnaja cikavaść. Jość vialikaje žadańnie raźvivać ekanomiku. Chaču źviarnuć uvahu, što ekanomika Ekvataryjalnaj Hviniei siońnia źjaŭlajecca adnoj ź viadučych na afrykanskim kantyniencie. Pry hetym jana na 90% składajecca z syravinnaha zdabyŭnoha składnika», — rastłumačyŭ ministr.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary
Navat uskich jašče nichto tak nie abzyvaŭ.