U Niežynie adkryli miemaryjał hierojam-abaroncam Ukrainy
U centry miemaryjała pastaŭlena fihura vajara, jakoha rasstralali paśla słoŭ «Słava Ukrainie!»
Fota: telehram-kanał «DeepState»
Skulptura, pastaŭlenaja ŭ rajcentry Čarnihaŭskaj vobłaści, adlustroŭvaje ŭ poŭny rost Alaksandra Macijeŭskaha.
Pryzvany ŭ sakaviku 2022 hoda na vajennuju słužbu, Macijeŭski vajavaŭ u 119-j bryhadzie teraabarony Čarnihaŭskaj vobłaści.
Z kanca śniežnia jon ličyŭsia źnikłym bieź viestak pablizu nasielenaha punkta Čyrvonaja Hara ŭ Danieckaj vobłaści.
Jak udałosia ŭstanavić SBU, Alaksandar Macijeŭski byŭ rasstralany 30 śniežnia 2022 hoda. Jaho cieła viarnuli ŭ lutym 2023 i pachavali ŭ Niežynie.
U sakaviku 2023 hoda ŭ siecivie stała raspaŭsiudžvacca videa, na jakim rasstrelvajuć biazzbrojnaha čałavieka ŭ formie USU za voklič «Słava Ukrainie». U im apaznali Alaksandra Macijeŭskaha.
Za chrabraść i ŭpeŭnienaść Uładzimir Zialenski prysvoiŭ Alaksandru Macijeŭskamu zvańnie Hieroja Ukrainy.
U vieraśni hetaha hoda pomnik Macijeŭskamu taksama byŭ pastaŭleny ŭ Tbilisi.
Čytajcie taksama:
U parłamiencie Ukrainy zapatrabavali ad uładaŭ Kijeva adnavić miemaryjał biełarusam