U Bierlinie kala 100 biežancaŭ pabilisia z-za kanfliktu ŭ čarzie pa ježu
Na terytoryi byłoha aeraporta Tehiel na zachadzie Bierlina abstalavany centr dla biežancaŭ, dzie pražyvajuć kala 5000 mihrantaŭ.
U noč na paniadziełak tam adbyłasia bojka z udziełam kala 100 mužčyn, u asnoŭnym tureckich kurdaŭ i siryjcaŭ. Kanflikt zaviazaŭsia padčas razdačy viačery, piša Bild.
Unačy situacyja abvastryłasia i pierarasła ŭ paboišča ŭ ahulnaj zale, dzie raźmieščany časovyja łožki. Paciarpieli try mužčyny 18, 22 i 36 hadoŭ. Na miesca prybyli da 100 palicyjantaŭ. Asobnyja sutyčki praciahnulisia da aŭtorka. Na miescy praciahvajuć dziažuryć palicejskija.