Mer Samary paskardziłasia, što biełaruski vytvorca zryvaje pastaŭku novych tramvajaŭ
12 vahonaŭ pavinny byli pastavić jašče letam.
Mer Samary Alena Łapuškina padčas žyvoha efiru paskardziłasia na biełaruskuju kampaniju «Biełkamunmaš». Pa słovach čynoŭnicy, vytvorca dahetul nie pastaviŭ kuplenyja tramvai.
— Padvodziać nas biełaruskija partniory. Viadziom pretenzijonnuju pracu. Štrafnyja sankcyi buduć surjoznyja, — skazała Łapuškina.
Novyja tramvai dla Samary byli kuplenyja ŭ lizinh na siem hadoŭ. Viadoma, što kupla abydziecca horadu amal u 12 miljonaŭ dalaraŭ.
Jak paviedamlajecca, novy transpart pavinny byli pastavić u Samaru jašče letam. Ale ŭ poŭnym abjomie heta nie było zroblena. A ŭ listapadzie adzin z novych tramvajaŭ zahareŭsia padčas ruchu.