Raźviedka Vialikabrytanii paćvierdziła poŭnaje źniščeńnie rasijskaha karabla «Novačarkask»
Ministr abarony Vialikabrytanii Hrant Šaps na svajoj staroncy ŭ sacsietcy Ch napisaŭ, što «Rasija ŭviała ŭ zman, kali zajaviła, što vajskovy karabiel Pucina «Novačarkask» atrymaŭ tolki «paškodžańni»: jon byŭ całkam źniščany».
Vybuchi na karabli «Novačarkask» 26 śniežnia 2023 hoda. Fota z sacsietak
U raźviedcy Ministerstva abarony Vialikabrytanii paćvierdzili, što rasijski vialiki desantny karabiel «Novačarkask» całkam źniščany ŭ vyniku ŭkrainskaha rakietnaha ŭdaru pa paŭdniovym uźbiarežžy akupavanaha Rasijaj Krymu.
«Źviestki z adkrytych krynic śviedčać, što, padobna, karabiel pieravoziŭ vybuchovaniebiaśpiečny hruz, jaki vyklikaŭ mocny druhasny vybuch paśla ŭdaru pa karabli», — adznačajecca ŭ paviedamleńni brytanskaj raźviedki.
Takim čynam, «Novačarkask» staŭ trecim vialikim desantnym karablom, jaki Čarnamorski fłot Rasii straciŭ z pačatku rasijskaha vajennaha ŭvarvańnia va Ukrainu. Pieršym byŭ «Sarataŭ», jaki zatanuŭ 24 sakavika 2022 hoda, a druhim — «Minsk», funkcyjanalna paškodžany 13 vieraśnia 2023 hoda.
Čytajcie taksama:
Stała viadomaja kolkaść achviar na karabli «Novačarkask» u Fieadosii
Apublikavany zdymak «Novačarkaska» paśla ataki USU. Zialenski ŭ suviazi z hetym patroliŭ rasijan
Minabarony RF paćvierdziła paškodžańni karabla «Novačarkask» u porcie Fieadosii